Pahayag ng Kandidato para sa Miyembro ng Konseho ng Lungsod

Lungsod ng Vallejo, Distrito Blg. 5

Rebekah Truemper

Trabaho: May-ari ng Negosyo, Tagapayo sa Nonprofit na Organisasyon, Abogadang Tagapayo sa Pagpapaunlad ng Mapagkukunan

Edukasyon at mga Kwalipikasyon: Mahal ko ang Vallejo, at handa akong tumulong upang mas mapabuti ito. Masyado nang matagal ang ating naging paghihintay para sa mga pagbabagong kailangan ng ating komunidad.

Pinalaki ako upang manindigan para sa kung ano tama, magtrabaho nang mabuti, at tumulong sa aking mga kapitbahay. Taglay ang isang degree sa negosyo mula sa University of California Berkeley, ako ay isang may estratehiyang lider ng nonprofit na nagpabago sa mga lokal na paaralan, institusyong pansining at pangkultura, at mga organisasyong sumusuporta sa mga nakaligtas sa karahasan sa tahanan. Ginagawa kong aksyon ang mga ideya sa pamamagitan ng pagbubuklod ng mga tao, pag-akit ng pagpopondo, at pagbuo ng mga pagtutulungan na nagpapasigla ng pagbabago.

Sa aking 26 na taon sa Vallejo, nakipagtulungan ako sa mga kapitbahay upang suportahan ang ating mga paaralan, magdala ng mas maraming mapagkukunan sa ating mga organisasyong pangkomunidad, at protektahan ang ating hangin at tubig mula sa isang iminumungkahing planta ng gas at isang pabrika ng semento sa ating tabing-dagat. Dito namin pinalaki ng aking asawa ang aming anak na babae, nagmamay-ari ng isang maliit na negosyo sa Vallejo, at kasalukuyang nagpapatakbo ng aking nonprofit na tanggapan ng pagpapayo rito. Alam ko kung paano naaapektuhan ng mga desisyon ng City Hall ang mga pamilya, manggagawa, matatanda, at mga lokal na negosyo.

Pagtutuunan ko ang mas ligtas na mga kapitbahayan, magagandang lokal na trabaho, katatagan ng pabahay, suporta upang makaalis ang mga tao sa mga lansangan, at mas marami pang mga oportunidad para umunlad ang ating mga kabataan.

Inendorso ng Superbisor ng County na si Cassandra James, mga Miyembro ng Konseho na sina Alex Matias at Dr. Tonia Lediju, dating Bise Alkalde na si Mina Loera-Diaz, at marami pang iba.